”ფიფას ვირუსმა” ”რეალს” კვლავ შეუტია. კვირის დასაწყისში მოურინიომ 13 ფეხბურთელი დაკარგა, რომლებიც სხვადასხვა ნაკრებებში არიან გამოძახებულები. ეჭვქვეშეაა სამი ხედირა, რომელმაც ”რაიოსთან” მცირე დაზიანება მიიღო. გერმანიის ნაკრები ექიმის საბოლოო ვერდიქტს ელოდება.

ნაკრებში გამოძახებული ფეხბურთელების სია ასე გამოიყურება: კასილიასი, არბელოა, ჩაბი ალონსო, სერხიო რამოსი (ესპანეთის რიგებში, რომელიც ვენესუელასთან გამართავს შეხვედრას), კრიშტიანუ რონალდუ, პეპე (პორტუგალიის რიგებში ითამაშებენ ვარშავაში, პოლონეთის წინააღმდეგ), ოზილი, ხედირა (გერმანია საფრანგეთს უმასპინძლებს ბრემენში), იგუაინი (არგენტინის რიგებში გაისარჯება, რომელიც შვეიცარიაში გაემგზავრება ადგილობრივ ნაკრებთან შესახვედრად), ნური შაჰინი (თურქეთის რიგებში, რომელიც სლოვაკეთს დაუპირისპირდება ბურსაში), ვარანი (საფრანგეთის ოცდაერთწლამდელთა ნაკრებში) და მარსელო ბრაზილიის რიგებში. ფრანგი და ბრაზილიელი გამონაკლისები არიან იმით, რომ გუნდის არცერთ ვარჯიშს არ გამოტოვებენ, მათ უკვე ხვალ უწევთ თამაში. ერთი ბოსნიას ეთამაშება შვეიცარიაში, მეორე კი - იტალიის ოცდაერთწლამდელთა ნაკრებს, კანში. სხვები უკან ხუთშაბათს დაბრუნდებიან.

წყარო: as