2010 წელთან შედარებით 2011 წელს "ბარსელონას" მუზეუმის დამთვალიერებელთა რაოდენობა 24%-თ, ხოლო საერთო ბრუნვა 59%-თ გაიზარდა. გასულ წელს Camp Nou Experience-თ 1,626,990 ადამიანმა ისიამოვნა. "ბარსას" მუზეუმი ვიზიტორების რაოდენობით ესპანეთში მესამე ადგილზეა.
2011 წელი "ბარსას" მუზეუმისთვის საუკეთესო აღმოჩნდა. მაჩვენებლები გამაოგნებელი იყო. გასულ წელთან შედარებით მნახველთა რაოდენობა 2011 წელს 24%-თ გაიზარდა, ხოლო მუზეუმის საერთო შემოსავალი 59%-თ. 1,626,990 ადამიანმა ისიამოვნა Camp Nou Experience. ეს სახელწოდება ერთმანეთში აერთიანებს ტურს სტადიონზე, მუზეუმსა და მულტიმედია სივრცეში. ეს არის ყველაზე კარგი მაჩვენებელი მუზეუმის 27 წლიანი არსებობის განმავლობაში.
ამ მაჩვენებლებით "ბარსას" მუზეუმი მნახველთა რაოდენობით ესპანეთში მესამე ადგილს იკავებს და ჩამორჩება მხოლოდ The Prado-სა (2,911,767) და Reina Sofía-ს (2,705,529). კატალონიელთა მუზეუმი მნახველთა რაოდენობაში უსწრებს პიკასოს მუზეუმსა და დალის თეატრ-მუზეუმს.
ჩვეულებრისამებრ მნახველთა რაოდენობა ზაფხულში იმატებს. 2010 წლის ივლისში "კამპ ნოუს" დამთვალიერებელთა რაოდენობა 271,992 იყო. მხოლოდ ერთ დღეს კი, 14 ივლისს მუზეუმს 13,659 ადამიანი ესტუმრა.
პრეზიდენტ ნუნესის მოღვაწეობის დროს მუზეუმის მნახველთა რაოდენობა 20%-თ გაიზარდა. 2010 წელს კი დაიწყო მისი რეკონსტრუქცია და დაინერგა ახალი Camp Nou Experience ტური, რომელიც მნახველებს შესაძლებლობას აძლევს, რომ უფრო დეტალურად და ახლოს გაეცნონ "ბარსას", მის ფეხბურთელებსა და ისტორიულ მიღწევებს.
მუზეუმის გაუმჯობესება 2011 წელსაც გაგრძელდა. ცალკე გამოიყო ის 16 თასი, რომელიც კლუბმა 2010/11 სეზონში მოიგო (როგორც ფეხბურთის გუნდმა, ასევე სპორტის სხვა სახეობებმა). 2011 წელს ასევე გამოიყო სექცია, სადაც განთავსებულია "ბარსას" მოთამაშეების ინდივიდუალური მიღწევები, მათ შორის ლეო მესის "ოქროს ბურთი", რომელსაც განსაკუთრებული ადგილი უჭირავს.
