|
|
მთავარი » 2011 » სექტემბერი » 10 » ბრუს ლის პალტო 77 ათას დოლარად გაიყიდა
7:38 PM ბრუს ლის პალტო 77 ათას დოლარად გაიყიდა |
 ჰონგ კონგში ლეგენდარული მსახიობისა და საბრძოლო ხელოვნების დიდოსტატ ბრუს ლის ხსოვნისადმი მიძღვნილი აუქციონი გაიმართა. აუქციონზე გამოტანილი იყო ვარსკვლავის სტუდბილეთი, წიგნები და სხვა რარიტეტული ნივთები. განსაკუთრებული აჟიოტაჟი გამოიწვია ბრუს ლის ბეწვისსარჩულიანმა პალტომ, რომელიც მას ფილმ „სასიკვდილო თამაშების" გადაღებებზე ეცვა. პალტო 77 ათას ამერიკულ დოლარად წილად ხვდა ნიუჯერსელ გრეგ მენინგს. ბრუს ლის მიერ 1996 წელს სიეტლიდან თავისი მეგობრისადმი მიწერილი სამგვერდიანი წერილი 51 233 დოლარად კუნგ-ფუს მასწავლებელმა ტაკი კიმურემ შეიძინა. ორგანიზატორები ვარაუდობდნენ, რომ ყველა ლოტში დაახლოებით 113 ათას დოლარს მიიღებდნენ, თუმცაღა შედეგმა მოლოდინს ბევრად გადააჭარბა. ბრუს ლის ფანებმა თავიანთი კერპის პირად ნივთებში, საერთო ჯამში, 220 ათასი დოლარი გადაიხადეს. შეგახსენებთ, რომ უკანასკნელი ცნობილი აუქციონი, რომელზეც ბრუს ლის რარიტეტული ნივთები გაიყიდა, 1993 წელს ლოს-ანჟელესში გაიმართა. მაშინ მსახიობის ქვრივმა ლინდა ლიმ გასაყიდად 200 ლოტი გამოიტანა.
|
|
ნანახია: 684 |
დაამატა: zereka
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
