|
|
მთავარი » 2011 » ივლისი » 2 » ჩერნობილი
|
 1986 წლის 26 აპრილს ჩერნობილში მოხდა ატომური რეაქტორის აფეთქება,რამაც უდიდესი ატომური კატასტროფა გამოიწვია,რომლის შედეგებსაც დღესაც იმკის უკრაინის მოსახლეობა და არა მარტო ისინი.
ჩერნობილის ატომური ელექტრო სადგური საბჭოთა კავშირში ერთ-ერთი ყველაზე მძლავრი იყო თავისი პოტენციალით.
აფეთქების შედეგად გარემო დაბინძურდა ისეთი რადიოაქტიური ნივთიერებებით როგორიცაა-ურანის იზოტოპი,პლუტონიუმი,სტრონციუმი და ა.შ.ავარიამდე რამდენიმე დღით ადრე დაიგეგმა რეაქტორის მეოთხე ენერგობლოკის სიმძლავრის შემცირება.26 აპრილს რეაქტორის სიმძლავრის შემცირების დროს მომსახურე პერსონალმა დაუშვა შეცდომა,რამაც საბოლოოდ კატასტროფამდე მიიყვანა საბჭოთა კავშირი და არა მარტო.მსოფლიოში მანამდე და არც შემდეგ ასეთი მასშტაბის ატომური კატასტროფა არ დაფიქსირებულა(ეს ატომური კატასტროფა ბევრად უფრო მძიმეა ვიდრე ჰიროსიმა-ნაგასაკის ბირთვული დაბომბვა აშშ_ს მიერ).
ჩერნობილის რეაქტორიდან გამოყოფილმა რადიოაქტიურმა ნივთიერებებმა დაიწყეს გადაადგილება ბელორუსიის,რუსეთის,საქართველოს,აღმოსავლეთ ევროპისა და სკანდინავიის ქვეყნებისაკენ.ჩერნობილის მიდამოებიდან ევაკუირებულ იქნა 200 000 ათასამდე ადამიანი.აფეთქებას მცირე მსხვერპლი ახლდა,მაგრამ რადიაციის ფონმა კი უდიდესი ტრაგედია გამოიწვია და მსხვერპლმა მატება დაიწყო.
მეოთხე ბლოკში უშუალოდ აფეთქების დროს დაიღუპა ერთი კაცი, კიდევ ერთი დამწვრობებით დაიღუპა იმავე დღეს. ჩერნობილის ატომური ელექტროსადგურის 134 თანამშრომლიდან და მაშველი ჯგუფის წევრებიდან, რომლებიც აფეთქებისას იმყოფებოდნენ სადგურზე, მოგვიანებით 28 დაიღუპა დასხივების შედეგად.[20]
სულ მალე, ატომურ ელექტროსადგურზე მომხდარი ავარიის შემდეგ გამოჩნდნენ ელექტროსადგურის დაცვის სახანძრო სამსახურის ქვე-ჯგუფები და დაიწყეს ცეცხლის ჩაქრობა სამანქანო დარბაზის სახურავზე.
საათში 1000 რენტგენიანი ორი აპარატურიდან ერთ-ერთი მწყობრიდან გამოვიდა, ხოლო მეორე მიუწვდომელი შეიქმნა ჩანგრევის გამო. ამიტომ პირველ საათებში არავინ არ იცოდა ბლოკის შენობებსა და მის გარშემო ტერიტორიაზე არსებული რადიაციის დონის შესახებ.
ავარიის შემდეგ პირველ საათებში, როგორც ჩანს ბევრმა ვერც კი გაიაზრა რამდენად იყო დაზიანებული რეაქტორი, ამიტომ მიღებულ იქნა რეაქტორის აქტიურ ზონაში, მისი გაცივებისათვის წყლის მიწოდების უზრუნველყოფის მცდარი გადაწყვეტილება. ეს ძალისხმევა უსარგებლო იყო, რადგან, ისევე როგორც წყლასადენი მილები, ასევე თვითონ აქტიური ზონა დანგრეული იყო, მაგრამ ისინი ითხოვდნენ მაღალ რადიაციულ ზონაში მუშაობას. სადგურის პერსონალის სხვა ქმედება, ისეთი როგორიც იყო ლოკალური ცეცხლის ჩაქრობა, შემდგომი აფეთქების თავიდან აცილებისათვის არ იყო საჭირო. შესაძლებელია, მათ აღმოფხვრეს კიდევ უფრო სერიოზული შედეგების საშიშროება. ამ სამუშაოების შესრულებისას სადგურის ბევრმა თანამშრომელმა მიიღო რადიაციის მაღალი დოზა, ხოლო რამდენიმემ სასიკვდილო. ამ რიცხვში აღმოჩნდა ბლოკის ცვლის უფროსი აკიმოვი და ოპერატორი ტოპტუნოვი.
სტატისტიკური მონაცემებით, იმ 2000 ქართველიდან, ვინც 1986 წლის გაზაფხულზე ჩერნობილის ატომურ ელექტროსადგურზე მომხდარი ავარიის სალიკვიდაციო სამუშაოებში მონაწილეობდა, 110 ადამიანი გარდაიცვალა. 1000-ზე მეტი დღეს ინვალიდია. ავარიის შემდგომ პერიოდში დაბადებულ 400-ზე მეტ ბავშვს მუდმივი სამედიცინო მეთვალყურეობა ესაჭიროება.
|
|
ნანახია: 882 |
დაამატა: zereka
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
