|
|
მთავარი » 2012 » მარტი » 6 » დაუხურავენ თუ არა ვანო ჯავახიშვილს გადაცემას
9:47 PM დაუხურავენ თუ არა ვანო ჯავახიშვილს გადაცემას |
 პრეზიდენტის ყოველწლიური ანგარიში მარტო ჯონდი ბაღათურიას განმაცვიფრებელი გამოსვლით არ ყოფილა საინტერესო. ქვეყნის პირველი პირი ოპოზიციის ნაწილთან ერთად ვანო ჯავახიშვილის შოუსაც შეეხო.
ბუკლიკო მოგესალმებათ და ცხელ-ცხელი ამბები მაქვს თქვენთვის მოსაყოლი, ასე რომ, აღარ გვინდა შესავალი სიტყვის გაგრძელება, როგორც უფალი თამადები ამბობენ ხოლმე საქართველოში, და დავიწყეთ გადმოლაგება თითო-თითოდ ბუკლიკოს კუთვნილ ფურცლებზე.
პრეზიდენტის ყოველწლიური ანგარიში მარტო ჯონდი ბაღათურიას განმაცვიფრებელი გამოსვლით არ ყოფილა საინტერესო. ქვეყნის პირველი პირი ოპოზიციის ნაწილთან ერთად ვანო ჯავახიშვილის შოუსაც შეეხო.
მისი განცხადებით, საქართველოში მხოლოდ ვანო ჯავახიშვილს და პოლიტიკური სპექტრის ნაწილს სჯერა, რომ საავადმყოფოების გახსნაზე მსახიობები დაგვყავს აქეთ-იქით, რომ საავადმყოფოს აღსაჭურვად აპარატურის მხოლოდ ორი კომპლექტი გვაქვს და ყველა რაიონში იმას დავატარებთო.
ბუკლიკოს ვანოს შოუ რომ უყვარს და გული შესტკივა, ამაში ეჭვი ხომ არავის გეპარებათ. ამიტომ, ცოტა არ იყოს, შემეშინდა, გადაცემა არ დაუხურონ ამ პატიოსან კაცს-მეთქი და დეტალების გასარკვევად ცნობილ შოუმენს დავურეკე.
- ვანო, რამდენიმე დღის წინ პრეზიდენტმა საპარლამენტო გამოსვლის დროს არცთუ სახარბიელო კონტექსტში გახსენა. როგორ ფიქრობ, ამ განცხადების შემდეგ შენს შოუზე ცენზურა ხომ არ იმოქმედებს?
- რამდენიმე გაზეთმა უკვე დამირეკა ამ შეკითხვით... რა დაგემართათ, ხალხო. რა ცენზურა, რის ცენზურა. პირიქით, გამიხარდა კიდეც, პრეზიდენტმა თავის გამოსვლაში რომ მახსენა. ეს ჩვენს რეიტინგზე მეტყველებს. იმდენად პოპულარულები ვართ, პრეზიდენტიც კი გვიყურებს. ცუდი ინტერპრეტაციით არაფერი უთქვამს. ამდენად, საწყენიც არაფერი ყოფილა.
- როგორ გგონია, ჩვენს პრეზიდენტს კარგი იუმორი აქვს?
- თუ გავითვალისწინებთ იმას, რომ ჩემს შოუს უყურებს, უნდა ვივარაუდოთ, რომ აქვს.
- თვითცენზურას ხომ არ მიმართავთ ვანოს შოუში ამ განცხადების მერე?
- პარასკევს ნახეთ გადაცემა და დარწმუნდებით, რომ პრეზიდენტის გამოსვლა ჩემს მონოლოგზე ცენზურის მხრივ არანაირად არ იმოქმედებს.
- გადაცემის დახურვის საკითხი ხომ არ დადგა დღის წესრიგში?
- რატომ უნდა დადგეს, გადაცემებს პრეზიდენტი არ ხურავს.
- პრეზიდენტი არ მიხსენებია, არხის ხელმძღვანელობამ რომ დაგიხუროს გადაცემა?
- გადაცემას ხურავენ მაშინ, როცა არ აქვს რეიტინგი და უინტერესოა. ჩემი გადაცემა რატომ უნდა დახურონ? საკმაოდ მაღალი რეიტინგი აქვს, ჩვენ ხომ სახალხო გადაცემა გვაქვს.
|
|
კატეგორია: თანამედროვე ცხოვრება |
ნანახია: 735 |
დაამატა: kiko
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
