|
|
მთავარი » 2012 » იანვარი » 12 » გვარდიოლა პირველია
4:46 PM გვარდიოლა პირველია |
 გვარდიოლა არა მხოლოდ 2011 წლის საუკეთესო მწვრთნელია, რომელმაც 4 წელში ”ბარსელონას” 13 ტიტული მოაგებინა, არამედ ის არის იდეალური მაგალითი იმის, თუ როგორ შეუძლია ერთ ნიჭიერ და შრომისმოყვარე ადამიანს საკუთარი გრანდიოზული იდეები ცხოვრებაში რეალობად აქციოს. ფსიქოლოგმა ანტონი ბოლინჩესმა დაწერა, რომ გვარდიოლას იმის გარდა, რომ აქვს მუშაობის გარკევული მეთოდი ის თავადაა მეთოდი. სხვა სიტყვებით რომ ვთქვათ მწვრთნელი არა მხოლოდ გუნდზე, არამედ მთელ კლუბზე, გულშემატკივრებზე და პრესაზე მოქმედებს. ორგანიზაციაში, სადაც ყველა და ყველაფერი ირჩევა დაარსების პირველი დღიდან (კლუბი ჟოან გამპერმა დაარსა, რომელმაც 5-ჯერ დაიკავა პრეზიდენტის ადგილი და ამდენჯერვე დატოვა) ყველას ეგონა, რომ სრული ერთულოვნების მიღწევა შეუძლებელი იქნებოდა. 2008 წელს პირველ გუნდში პეპ გვარდიოლას დანიშვნამაც სოსიოების ნაწილში აზრთა სხვადასხვაობა გამოიწვია, თუმცა რამდენიმე თვის შემდეგ საუბრები შეწყდა. ”ბარსა” იღდგენდა საკუთარ თამაშს, ტიტულებს, ფილოსოფიას და საკუთარ ფასეულობებს. პეპმა შეძლო კლუბის ისეთი მოდელის შექმნა, რომელშიც ბარსელონიზმი საკუთარ თავს ცნობს, რომელშიც ის საკუთარ თავს ხედავს. პეპმა ”ბარსელონას” მუზეუმი 3.5 წელიწადში 13 ტიტულით შეავსო შესაძლო 16-იდან. გულშემატკივრების ნაწილს არ ესმით, როცა ყოველ წელს ამ დროს მწვრთნელის კონტრაქტის გახანგრძლივებაზე იწყება საუბრები, როცა თავად პეპი ამ თემაზე საუბარს არ ჩქარობს. გვარდიოლას სურს ამბიციების და ვალდებულებების დანახვა ფეხბურთელებში მანამ, სანამ რაიმე განცხადებას გააკეთებს. ჩვენი გმირის ხასიათიდან გამომდინარე უნდა ვიცოდეთ, რომ ის ასეთია: გონიერი და ხანდახან ემოციური ადამიანი, რომელმაც ეს ორი თვისება უნდა შეასრულოს, სანამ რაიმე გადაწყვეტილებას მიიღებს. პეპს მოსწონს ყველაფრის გაკონტროლება, მათ შორის საკუთარი თავის. რა თქმა უნდა, მიაღწიო წარმატებას კლუბში, რომელსაც შენ საკუთარ კლუბად თვლი ეს ყველაზე შესანიშნავი და ამასთანავე რთული მისიაა. ბარსელონისტები აგრძელებენ მისი პიროვნებით, ნიჭით და სტილით აღფრთოვანებას. პეპი სულ ცოტა ხნის წინ ესპანეთში ყველაზე სასურველ მამაკაცად დაასახელეს. მას აფასებენ ელეგანტურობისთვის და მიკროფონებთან შესანიშნავად გამკლავებისთვის, ასევე ლიდერის თვისებების გამო. სხვა სიტყვებით რომ ვთქვათ ის არა მხოლოდ საუკეთესო მწვრთნელი, როგორც ის ფიფამ დაასახელა, არამედ იდეალური მამაკაცია მოედნის მიღმა. ბარსელონისტების უმეტესობას სურს, რომ პეპ გვარდიოლა სერ ალექს ფერგიუსონის მსაგვსად მოიქცეს, რომელმაც 2011 წლის ნოემბერში ”მანჩესტერ იუნაიტედში” მუშაობის 25 წელი აღნიშნა და რომელსაც 31 დეკემბერს 70 წელი შეუსრულდა. ამ დროის განმავლობაში შოტლანდიელმა 12-ჯერ მოიგო პრემიერ-ლიგა, 2-ჯერ ჩემპიონთა ლიგა (იმდენივე, რამდენიც გვარდიოლამ 3 სეზონში მოიგო), მაგრამ მან ამასთანავე გულშემატკივრებს თავდადება გამოუცხადა. ის ძალიან სტაბილურია, რითიც ხელმღვანელების ნდობასაც იმსახურებს. პეპს ნაბიჯ-ნაბიჯ სიაურული სურს, რადგან იცის, რომ ერთსულოვნება მთავრდება მაშინ, როცა რამდენიმე მატჩს წააგებ. გაურკვეველია ის, თუ როგორ შეიძლება ერთმა ჩავარდნამ გამოივიოს მასში ეჭვების შეტანა და ნდობის დაკარგვა, როცა გუნდი 3.5 წელიწადია შესანიშნავ ფეხბურთს აჩვენებს და ტიტულს ტიტულზე იგებს. ამ ”ბარსაში” ყველაზე კარგი ისაა, რომ გუნდის ბირთვი კლუბის აკადემიაშია აღზრდილი. ლიგაზე ”ბატესთან” და თასზე ”ოსპიტალეტთან” მატჩებმა გვაჩვენეს, რომ იზრდება ის თაობა, რომელსაც შეუძლია ამ წარმატებების გაგრძელება. ისინიც იმავე ფეხბურთს ქადაგებენ, რასაც პირველი გუნდის წევრები. გვარდიოლას შემდეგ ცხოვრება გაგრძელდება, ხოლო მისი შემცვლელი კი შეიძლება ამჟამად ”ბარსაში” თამაშობდეს. კარგი იქნება, თუკი ის ადამიანი, რომელმაც შეკრა ბარსელონიზმი, მიაღწია შესანიშნავ შედეგებს და შექმნა ფილოსოფია კლუბში კიდევ დიდხანს გააგრძელებს მუშაობას. არის კითხვა ფეხბურთელების თავდადებაში. ეჭვი არ უნდა შეგვეპაროს, რომ გვარდიოლა კიდევ ერთი წლით გააგრძელებს კონტრაქტს. მის გარემოცვაში არიან ადამიანები, რომლებიც საუბრობენ, რომ კლუბი წარმატების დროს უნდა დატოვო, თუმცა ”გვარდიოლას” მეთოდში არ ფიგურირებს ის, რომ უარი თქვა ბედნიერებაზე, როცა მან შენთვის გაღიმება მოისურვა.
|
|
ნანახია: 750 |
დაამატა: zereka
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
