|
|
მთავარი » 2012 » მარტი » 6 » ლედი გაგა უახლოეს მომავალში ბავშვს გააჩენს
9:49 PM ლედი გაგა უახლოეს მომავალში ბავშვს გააჩენს |
 გაგა მომავალი პატარასთვის უკვე სახელსაც არჩევს და ვარიანტებს უბის წიგნაკშიც ინიშნავს.
ლედი გაგას გადაწყვეტილი აქვს ნამდვილი ოჯახი შექმნას. მომღერალს სერიოზულად აქვს გადაწყვეტილი, ბავშვის უახლოეს მომავალში გაჩენა.
ეპატაჟურ მომღერალს, ლედი გაგას არა ერთხელ უთქვამს, რომ სურს ნამდვილი ოჯახის შექმნა და შვილის გაჩენა. თუმცა, თავისი შემოქმედების თაყვანისმცმელებს იმითაც აიმედებდა, რომ მანამ არ მოეკიდება ოჯახს, სანამ მინიმუმ 10 ახალ ალბომს არ გამოუშვებს. მაგრამ, როგორც ჩანს, ლედი გაგა სიტყვას ვერ შეასრულებს: მომღერლის ახლობლები ამტკიცენ, რომ ვარსკვლავს გადაწყვეტილი აქვს, ამ წელს გააჩინოს შვილი.
ასეთი კარდინალური გადაწყვეტილების მიზეზი ლედი გაგას ახალი მეგობარი მამაკაცი _ მსახიობი ტეილორ კინი უნდა იყოს. წყვილმა შეხვედრები 2011 წელს დაიწყო, ახალი წლის დამდეგს კი მათ ერთად ცხოვრებაც გადაწყვიტეს.
როგორც ცნობილია, კინის არ მოსწონს გაგას ეპატაჟური სტილი და დაჟინებით სთხოვს ამ იმიჯის შეცვლას. თუმცა, როგორც ხედავთ, საყვარელი მამაკაცისთვის მომღერალი ამ მსხვერპლს ვერ იღებს და ჯერჯერობით თავის პრინციპებს არ ღალატობს.
მომღერალთან დაახლოებულმა პირმა ჟურნალისტებს უამბო: "გაგა მომავალი პატარასთვის უკვე სახელსაც არჩევს და ვარიანტებს უბის წიგნაკშიც ინიშნავს. ის გამუდმებით იმაზე ლაპარაკობს, როგორი კარგი იქნება მისი შვილი, ტეილორი ხომ ისეთი სიმპათიურია!"
"სწორედ ტეილორთან სურს მას სიყვარული, ოჯახი და შვილი. თუმცა ლედი გაგას გადაწყვეტილი აქვს, ჯერ შვილი გააჩინოს და მერე დაიწეროს ჯვარი. როგორც ჩანს, ამჯერად ყველაფერი მართლაც სერიოზულადაა. ადრე, როცა ლედი გაგა ლიუკ კარლს ხვდებოდა, არც უფიქრია შვილზე და ოჯახის შექმნაზე. ახლა კი მეტი არაფერზე ფიქრი და ლაპარაკი არ შეუძლია!"
მომღერალმა კინი 2011 წელს სიმღერაზე "you and I" კლიპის გადაღებებზე გაიცნო. როგორც ტეილორის მეგობრები ამბობენ, ის "მეცხრე ცაზეა ბედნიერებისგან", მას ხომ დიდი ხანია უნდა ოჯახს მოეკიდოს და შვილები იყოლიოს.
წყვილის ურთიერთობა რომ სერიოზულია, ამას ისიც ადასტურებს, რომ ცოტა ხნის წინ ისინი ტეილორის მშობლებს ლანკასტერში სტუმრობდნენ.
რთული სათქმელია, რამდენად იმოქმედებს პირადი სტატუსის შეცვლა ლედი გაგას კარიერასა და შემოქმედებაზე, მომღერალს ხომ არც ისე დიდი ხნის წინ აქვს ნათქვამი, რომ მუსიკის გამო ის "მარტოობაზე გათხოვდა". მისი კოლეგების გამოცდილებით თუ ვიმსჯელებთ, ჯერ ოჯახს და შილებს არავისთვის შეუშლია ხელი კარიერულ წინსლაში.
ამის საუკეთესო მაგალითი ბიონსეა, რომელსაც 2012 წლის 7 იანვარს გოგონა ბლუ აივი შეეძინა, მომღერალი კი კვლავ ფორმაშია, სცენაზე დგას და მეტიც, მალე კინოში გადაღებასაც გეგმავს.
|
|
კატეგორია: თანამედროვე ცხოვრება |
ნანახია: 719 |
დაამატა: kiko
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
