”ბარსელონა” ერთადერთი გუნდი გახდა, რომელმაც ჩემპიონთა ლიგის 1/8 ფინალის გასვლით შეხვედრაში გამარჯვების მოპოვება შეძლო.

ამ ეტაპზე გამართული 8 შეხვერდირად 6 მასპინძელთა გამარჯვებით დასრულდა, 1 მატჩი ფრედ და 1 შეხვერდაში სტუმრებმა იმარჯვეს. ამგვარად შეიძლება ითქვას, რომ ლევერკუზენში გამარჯვება გამონაკლისი შემთხვევა იყო, რაც კიდევ ერთხელ ამტკიცებს, თუ რა რთულია ამ ეტაპზე ასპარეზობა.

გასვლით შეხვედრებში ”აპოელმა”, ”ინტერმა” და ”ბაიერნმა” მინიმალური სხვაობით, 1:0 წააგეს ”ლიონის”, ”მარსელის” და ”ბაზელის” მოედნებზე შესაბამისად. ”ბენფიკა” დამარცხდა რუსეთში ”ზენიტთან ანგარიშით 3:2. ”ჩელსიმ” კიდევ უფრო დიდი სხვაობით მარცხი იწვნია ”ნაპოლისთან” შეხვედრაში, რომელიც 3:1 დასრულდა. მთავარი სიურპრიზი კი ლონდონის ”არსენალის” განადგურება იყო. ”როსონერიმ” 4:0 მოუგო სახელოვან მეტოქეს. და ბოლოს, მადრიდის ”რეალმა” ფრედ, 1:1 ითამაშა მოსკოვის ”ცსკა”-სთან.