|
|
მთავარი » 2011 » ოქტომბერი » 7 » ფორთოხალი - სილამაზე საახალწლო სუფრიდან
6:30 PM ფორთოხალი - სილამაზე საახალწლო სუფრიდან |
 ფორთოხალი საახალწლო სუფრის მშვენებაა. მისი შენახვა დიდხანს შეიძლება და საზეიმო ფაციფუცისა და დამღლელი წვეულებების შემდეგ თავის სწრაფად მოწესრიგებაში დაგეხმარებათ.
გასუფთავება
ფორთოხლის "სკრაბი" ნებისმიერი ტიპის კანისთვის გამოგადგებათ. წვრილად დაჭერით გაფცქვნილი ფორთოხალი, გაქენით ყავის საფქვავით დაფქულ 1 სადილის კოვზ შვრიის ან ქერის ფანტელებთან ერთად და დაუმატეთ 1 სადილის კოვზი ნაღები. მიღებული მასა მსუბუქი მასაჟისებური მოძრაობებით შეიზილეთ სახეზე და გაიჩერეთ სანამ არ იგრძნობთ, რომ კანი ოდნავ დაგეჭიმათ. შემდეგ თბილი წყლით ჩამოიბანეთ და თქვენი ტიპის კანისთვის განკუთვნილი კრემი წაისვით.
ტონუსის ასამაღლებლად
დაღლილობის დასაძლევად და ტონუსის ასამაღლებლად ხელმისაწვდომ მეთოდს შემოგთავაზებთ. მანდარინის კანისგან მოამზადეთ ტონიკი. ის განსაკუთრებით უხდება ცხიმიან კანს, რადგან მხოლოდ კი არ ახალისებს და აახალგაზრდავებს, არამედ ფორებს ავიწროებს. ახალგაფცქვნილ მანდარინის კანს დაასხით ერთი ჭიქა ანადუღარი ცივი წყალი და წყალშივე დააქუცმაცეთ. გააჩერეთ ერთი დღე-ღამე და შემდეგ გადაწურეთ. მიღებული ლოსიონით სახე დილა-საღამოს გაიწმინდეთ.
მკვებავი ნიღაბი
თეთრი თიხისა და ფორთოხლის ნიღაბი ნებისმიერი ტიპის კანისთვის გამოდგება. ერთი ფორთოხლის რბილობი კარგად გაქენით, შეურიეთ ერთი პაკეტი თეთრი თიხა, ნიღაბი სქლად წაისვით სახესა და დეკოლტეს არეზე და 15 წუთის შემდეგ თბილი წყლით ჩამოიბანეთ.
პრობლემური ზონა - ყელი
დიახ, სწორედ ყელი გასცემს ქალის ასაკს, ამიტომ მას განსაკუთრებული ყურადღება სჭირდება.
გამოწურეთ ნახევარი ფორთოხლის წვენი, შეურიეთ 2 სადილის კოვზი ცხიმიანი ხაჭო და 1 ჩაის კოვზი ზეთი. მიღებული მასა წაუსვით ორად გაკეცილ მარლას და ყელზე შემოიხვიეთ. 15-20 წუთის შემდეგ ნიღაბი მოიხსენით და ყელი თბილი წყლით ჩამოიბანეთ. კანის დაბერების შესანელებლად, სასურველია, ამგვარი პროცედურა კვირაში ორჯერ ჩაიტაროთ.
აუცილებლად გაითვალისწინეთ ციტრუსებზე ალერგია ხომ არ გაქვთ.
წყარო/Source: http://www.ambebi.ge/meditsina/30418-forthokhali-silamaze-saakhaltslo-sufridan.html#ixzz1a6PQ6vro
|
|
ნანახია: 1452 |
დაამატა: zereka
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
