|
|
მთავარი » 2012 » მარტი » 6 » სასტუმროს ნომერი, რომელშიც უიტნი ჰიუსტონი გარდაიცვალა, ერთი წლით ადრეა დაჯავშნილი (+ ფოტო)
9:53 PM სასტუმროს ნომერი, რომელშიც უიტნი ჰიუსტონი გარდაიცვალა, ერთი წლით ადრეა დაჯავშნილი (+ ფოტო) |
 ამერიკული სასტუმრო - "ბევერლი ჰილტონი", სადაც 12 თებერვალს პოპ-ვარსკვლავი გარდაიცვალა, დღითიდღე პოპულარული ხდება.
უიტნის გარდაცვალებიდან რამდენიმე საათში, სასტუმროს შესასვლელთან ზღვა ყვავილები მიიტანეს მომღერლის თაყვანისმცემლებმა და იქაურობა ნამდვილ მემორიალად აქციეს.
ახლა კი უიტნის ფანები იმისთვის იბრძვიან, რომ სასტუმროს 434-ე ოთახში ერთი ღამე მაინც გაატარონ. შეგახსენებთ, რომ სწორედ ამ აპარტამენტებში დალია სული უიტნიმ.
სასტუმროს წარმომადგენლები აცხადებენ, რომ ამ ოთახის დაჯავშვნის მსურველთა რაოდენობა, ყოველ წუთს იზრდება, მაგრამ ჯერჯერობით ისინი თავს იკავებენ ამ ოთახის გაქირავებისაგან. აღნიშნული ნომერი, სავარაუდოდ მხოლოდ ერთი წლის მერე გაქირავდება.
434-ე ნომერი რამდენიმე ოთახისგან შედგება. მასში რბილი ავეჯითა და საოჯახო ტექნიკით აღჭურვილი მისაღები ოთახი, დიდი საძინებელი (გრანდიოზული ზომის საწოლით) და სააბაზანო ოთახებია.
აღნიშნული სასტუმროსა და ამ ნომრის მთავარი ღირსება მაინც ბევერლი ჰილსის არაჩვეულებრივი ხედია, რომლის დანახვაც იატაკიდან ჭერამდე ჩამონტაჟებული ფანჯრებიდანაა შესაძლებელი.
სასტუმროს სტუმრებს ასევე შეუძლიათ ისარგებლონ აუზით, სპა-სალონით, რამდენიმე რესტორნითა და გოლფ-კლუბით. სასტუმროში ერთი ღამის გათევა 300-400 დოლარი ღირს.
|
|
კატეგორია: თანამედროვე ცხოვრება |
ნანახია: 674 |
დაამატა: kiko
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
