ჯგუფის პირველი გამოსვლის თარიღად ითვლება 1990 წელს, სერიალში The Hitman & Her (სადაც ორენჯი მანამდე გამოდიოდა) გამოჩენა. ერთ-ერთ ეპიზოდში მათ იმღერეს ორი სიმღერა - "Love" და "My Kind of Girl" (რომლებიც არსად გამოცემულა). ისინი დაბრუნდნენ იმავე შოუში მოგვიანებით, ამჯერად სიმღერებით "Waiting Around" (მეორე სინგლის, "Do What U Like" b-გვერდი), "Promises" და "Once You've Tasted Love".

გარღვევა ხუთეულმა მოახდინა 1970-იანი წლების ჯგუფის Tavares ჰიტის "It Only Takes a Minute" ქავერ-ვერსიით. იგი ბრიტანული ჩარტის #7 პოზიციაზე აღმოჩნდა. წარმატება გამყარდა შემდეგი სინგლით "I Found Heaven" და ბარლოუს საავტორო ბალადით "A Million Love Songs" - ორივე საუკეთესო 20-ეულში მოხვდა. ბარი მანილოუს დისკო-ჰიტის "Could It Be Magic" ქავერ-ნომრით Take That აღმოჩნდა ბრიტანული ჩარტების #3 ადგილზე. ხოლო პირველი სტუდიური ალბომი, Take That and Party, გამოიცა 1992 წელს და შეიცავდა ყველა მანამდე გამოსულ სინგლს და სხვა სიმღერებს.