15 ივლისს ოფიციალურად გავრცელდა ინფორმაცია, რომ უილიამსი ჯგუფს დაუბრუნდა. პრეს-რელიზში ნათქვამი იყო, რომ ნოემბერში დაგეგმილი იყო მასთან ერთად ჩაწერილი ახალი სტუდიური ალბომის გამოცემა. [22]
Progress დასახელდა, როგორც ჯგუფის მომავალი ალბომის სათაური. [23]. 7 ნოემბერს ციფრული სახით, ხოლო 8 ნოემბერს - კომპაქტ დისკზე, მისი პირველი სინგლის სახით გამოვიდა "The Flood". ალბომი გამოვიდა 15 ნოემბერს. [24]
26 ნოემბერს ჯგუფმა ოფიციალურად გამოაცხადა, რომ 2011 წელს ბრიტანულ სტადიონებს ტურით Progress Live 2011 მოივლის. ამის შემდეგ მას დაგეგმილი აქვს ევროპული ტურიც. საგულისხმოა, რომ კონცერტების ბილეთებზე იმდენად დიდი მოთხოვნა იყო, რომ გაყიდვის დაწყებისთანავე შესაბამისი ვებ-გვერდები და სატელეფონო ხაზები გადატვირთული იქნა. [25]
ტური Progress Live 2011 ამჟამად ჯგუფის კარიერაში რეკორდულად ითვლება - ერთ დღეში გაიყიდა მასზე დასასწრები 1.1 მილიონი ბილეთი.[26]
გამოსვლის პირველივე დღეს Progress იქცა საუკუნის ყველაზე გაყიდვად ალბომად. ერთ დღეში გაიყიდა მისი 235.000 ასლი[27]. ალბომი გაერთიანებული სამეფოსა და ირლანდიის ჩარტებში #1 პოზიციაზე. პირველ კვირაში გაიყიდა მისი 520.000 ასლი, რამაც იგი აქცია რიგით მეორე ყველაზე სწრაფად გაყიდვად ალბომად ზოგადად მუსიკის ისტორიაში.[28] 6 დეკემბრის მონაცემებით, ალბომი მსოფლიო მასშტაბით 900.000 ასლის ოდენობით გაიყიდა. [29]
