მადრიდის "რეალი" ძალზე ახლოსაა მორიგ რეკორდთან. საქმე იმაშია, რომ გუნდს ძალიან დიდი შანსი აქვს 1989–90 წლების სეზონის შედეგი გააუმჯობესოს და "ლა ლიგაში" 107 გოლზე მეტი გაიტანოს.

ჟოზე მოურინიოს გუნდში მოსვლის შემდეგ, "ბლანკოსმა" ძალზე ბევრი რეკორდის დაამყარება შეძლო. მიმდინარე სეზონში კი, მადრიდის "რეალს" ბრწყინვალე შედეგი აქვს. "რაიო ვალეკანოსთან" გატანილი გოლი რიგით მე–80 აღმოჩნა "ლა ლიგის" მიმდინარე სეზონში. უნდა აღინიშნოს, რომ 1989–90 წლების სეზონში "თეთრებმა" "ლა ლიგის" 24 მატჩში მხოლოდ 69 გოლის გატანა შეძლეს. ასე, რომ მოუს "რეალს" გაცილებით უკეთესი შედეგი აქვს. გუნდს შანსი აქვს 2011–12 წლების სეზონში "პრიმერა დივიზიონში" 107 გოლზე მეტი გაიტანოს და ახალი რეკორდი დაამყაროს.

როგორც უკვე მოგახსენეთ, "ბლანკოსმა" 1989–90 წლების სეზონში "ლა ლიგის" 24 მატჩში 69 გოლი გაიტანა, საიდანაც 24 უგო სანჩესის ანგარიშზეა. მიმდინარე სეზონში კი, "თეთრებმა" ეს შედეგი გააუმჯობესეს და 11 გოლით მეტი გაიტანეს. აღსანიშნავია, რომ 80 გოლიდან 29 კრიშტიანუ რონალდუმ გაიტანა, 14 კარიმ ბენზემამ, 13 კი გონსალო იგუაინმა.